मकवानपुरको आधिकारिक पर्यटन पोर्टल

छुटाउनै नहुने स्थानहरु

मकवानपुर गढी दरवार क्षेत्र

मकवानपुर गढी दरवार क्षेत्र

करिब १२औँ शताब्दी तिर सेन राजाहरुले उत्तरभेग तिर सुरक्षित स्थान खोज गर्दै जाँदा मकवानपुर गढी एउटा अग्लो थुम्कोको रुपमा सुरक्षित स्थान भेट्टिएकोले गढी किल्ला निर्माण गर्न लगाए । जहाँबाट सेन राजाहरु काठमाडौँ उपत्यकामा युद्ध गर्न गएका थिए । पछि सेन राजाहरु मध्ये रुद्र सेनका छोरा मणी मुकुन्द सेनका ४ रानीहरुलाई राज्य बाढ्ने क्रममा कान्छी रानीका छोरा लोहाङ्ग सेनको भागमा मकवानपुर राज्य पर्न गयो । पछि सेन राजाहरुकै पुस्ता विस्तार हुने क्रममा राघव सेन हुँदै माणिक सेन राजा भए । उनको पालामा नै वंशगोपाल र सिद्धेश्वर महादेव स्थापना गरि सञ्चालनको लागि विर्ता जग्गाको व्यवस्था हरिएको थियो । क्रमशः माणिक सेनको छोरा हेमकर्ण सेनले अरु राज्यहरुसँग सम्बन्ध बढाउने उद्देश्यले गोरखाका राजा नरभूपाल शाहका छोरा पृथ्वीनारायण शाहलाई आफ्नो कान्छी छोरी इन्द्रकुमारी विवाह गराइदिएका थिए । हेमकर्णको मृत्युपछि छोरा दिग्वर्धन सेन राजा भए ।ज्वाईँ पृथ्वीनारायण शाहसँग दाईजोको निहुँमा मन मुटाव भएपछि वि.

चेपाङ्ग संग्रहालय

चेपाङ्ग संग्रहालय

रमाइलो चैनपुर, त्यसमाथि झन राक्सिराङ्ग गाउँपालिकाको सदरमुकाम र गाउँपालिकाको प्राङ्गण भित्रै चेपाङ्ग संग्रहालय, संग्रहालयमा चेपाङ्गहरुले परापुर्वकाल देखि जिवनयापन गर्न प्रयोग गरेका सामाग्रीहरु सजाएर राखिएको छ । राक्सिराङ्ग गाउपालिका मकवानपुरमा आध्यात्मिक चेपाङ्ग बस्ति खोरिला भिरालो जमिनमा बस्ने, ओडारमा बस्ने चेपाङ्ग समुदाय , दुई २-३ दशक मात्रै भयो ओडारबाट बस्तिमा सरेको । चेपाङ्ग जातिको इतिहास विगतमा ओडारमै बस्ने, खेल्ने, रमाउने यी विविधता बकेको समुदाय , पहिले पनि धर्म संस्कृति, प्रकृति पुजा, ढ्याङ्ग्री पर्व, माघि पर्व मनाउने, जविबुटीको अत्याधिक परम्परागत ज्ञान भएको र आफ्नै भाषा, भेषभुषा र संस्कृति भएको जाति हो चेपाङ्ग जाति । काठबाट बनेका सामग्री ढिकी, ठेकी , मदानी हतासि जस्ता सामग्रीहरु छन् । बाँसको चोयाबाट बनेको डोको, डालो, पेरुङ्गो, मुन्से, घुम, जस्ता सामग्रीहरु छन् । चेपाङ्गहरुको पहिरन, खाना पकाउने भाँडाकुरडा जस्ता चेपाङ्ग जातीका पहिरन , लवाई, खवाई र संस्कृति झल्काउने सामग्रीहरु यहाँ सजाएर राखिएको छ । अध्ययनमा सजिलोका निम्ति सामग्रीहरुसँगै नाम पनि इन्गित गरिएका छन् ।यो चेपाङ्ग संग्रहालय २०६३ सालमा स्थापना भएको थियो । यस संग्रहालयका संस्थापक विष्णुराम प्रजा हुन् । नेपाल सरकार, स्थानीय विकास मन्त्रालय अनतर्गत जिल्ला विकास समितिमा वि.

एतिहासिक महत्वका स्थलहरु

मनोरन्जनात्मक भ्रमणयोग्य स्थलहरु

सहिद स्मारक पार्क

सहिद स्मारक पार्क

विभिन्न ऐतिहासिक राजनितिक कालखण्डमा प्रजातन्त्र, स्वतन्त्रता र राष्ट्रियताको निम्ति, बिना कुनै हिच्किचाहट, आफ्नो प्राणको समेत बलिदान दिनुभएका तथा जिवन नै उत्सर्ग गरि महान बलिदानको रुप दिनुभएका १२ जना महान सहिदहरुको दिव्य मुहारहरुको आकृति सहिदहरुको प्रतिक भएर लगभग २५ टनको एउटै शिलामा कुदिएर जनस्तरबाटै स्थापना भएको छ सहिद स्मारकमा । उक्त अद्भुत शालिक, तल्लो भेगहरुका हरिया काँट तथा जंगलका मनोरम दृश्यहरु देखिने भ्यू टावर र सुन्दर बगैँचा आदी पूर्वाधारबाट सुरु भएको यो स्मारकको संरचना र परिधि बिस्तारै वृहत हुँदै आजको दिनमा शहिद स्मृति स्तम्भ, शहिद ग्यालरी, अझ वृहत सुन्दर उद्यान, पर्यटकिय सुचना केन्द्र, बाल उद्यान, पानी फोहरा र मदन बाटिका र झुलिङ्गे पुलले सुनमा सुगन्ध थप्दै सहिद स्मारकमा आउने पर्यटकहरुको मन छोएको छ । पुष्पलाल, बिपी कोइराला, गणेशमान, मनमोहन अधिकारी जस्ता प्रजातान्त्रिक योद्धाहरुको पूर्णकदको शालिकले सहिद स्मारकको गरिमा झन चुलिएको छ । हेटौँडाबाट ५ किमी ४०० मिटर पश्चिमोत्तर हिडेरै जाँदा लगभग १ घण्टा ९ मिनेट जति लाग्ने यो गन्तब्य देशभरिका महत्वपूर्ण गन्तब्यहरु मध्येका एकमा परिचित भइसकेको छ ।

धार्मिक पर्यटन