भ्रमण गर्नुहोस्
मकवानपुरको जिल्लाको कैलाश गाउँपालिकाको वडा नम्बर २ मा समुद्र सतहदेखि १८५० मिटर उचाइमा अवस्थित कैलाश बैकुण्ठ करिब ३०० वर्ष अगाडिदेखि मानवबस्ती रहँदै आएको ९५% तामाङ जातिको बाहुल्यता भएको एक सुन्दर गाउँ हो ।
पूर्वपश्चिम लोकमार्गको मनहरीबाट ३० किमी, धादिङ गजुरी बाट २९ किलोमिटर, धादिङ बेनिघाट बाट २७ किलोमिटर, पालुङ बाट ३६ किलोमिटर र प्रदेश राजधानी हेटौंडा बाट ६० किलोमिटरको दुरीमा अवस्थित रहेको छ । बैकुण्ठ बाह्रै महिना पानी नसुक्ने विष्णुकुण्ड जहाँ कैलाशको कैलाश महादेव गुफा, जोगी पाताल जहाँ जोगीहरु आलाप विलाप भएका थिए रे, गुप्तेश्वर गुफा, आदि स्थानहरुले प्रचुर पर्यटकीय सम्भावना बोकेको छ ।
पश्चिम तिरका हेर्दा अन्नपूर्ण, माछापुच्छ्रे, गणेश, धौलागिरि, मनास्लु, आदि हिमश्रृंखलाहरु सजिलै देख्न सकिने, दक्षिणतिर हेर्दा तराई भूभागहरू वीरगन्ज घण्टाघर रक्सोल आदि देख्न सकिने, बाह्रै महिना चिसो वातावरण एकै छिनमा घाम लाग्ने र एकैछिनमा हुसु लाग्ने पारीपट्टी माहाभारत जंगल जहाँ बहुमूल्य जडिबुटीहरु रहेको ठाउँ हो यो ।
तस्विरहरु हेर्नुहोस्